Hakimi wa 6, Mahrez uwa 3, Sadio Mané… 9 ba mbere bahembwa neza m’Umupira w’Amaguru b’Abanyafrika muri 2022

Hakimi wa 6, Mahrez uwa 3, Sadio Mané… 9 ba mbere bahembwa neza m’Umupira w’Amaguru b’Abanyafrika muri 2022

July 7, 2022 Off By Moise KWITONDA

Nyuma y’Imyaka 6 muri mu mwambaro wa Liverpool ndetse n’Imyaka 8 muri Premier League, Sadio Mané ubu yerekeje mu budage mu Ikipe ya Bayern Munich. Uyu mukinnyi w’Ikipe y’Igihugu ya Senegal yasinye Amasezerano y’Imyaka 3 muri Bavaria byatumye aba Umukinnyi wa mbere w’Umunyafrika uhembwa neza kurusha abandi muri uyu mwaka.

 

Mane ufite Igihembo cy’Umukinnyi w’Umwaka mwiza wa Afrika, nyuma yo gufasha Senegal gutwara Igikombe cy’Afrika [CAN] , Azajya yinjiza, 250.000 Amapound ku cyumweru, akaba yarasimbuyeho Umunya misiri bahoranye muri Liverpool Mohamed Salah n’Amapound 220,000. Riyad Mahrez na Thomas Partey, Achraf Hakimi nabo bakaba bari hafi aho.

Mo Salah, ari mu biganiro na Reds kugira ngo bongere Amasezerano asigaje Umwaka 1, bidatinze ashobora kongera kwisubiza Umwanya wa mbere mugihe yakongera agasinya cyangwa agahindura Ikipe.

Nkuko tubicyesha AFRIQUE FOOTBALL, dore Abakinnyi 9 bari guhembwa agatubutse bo muri Afrika;

9.Naby Keïta ”120 000 Amapound ku cyumweru”

Naby Laye Keïta (wavutse ku ya 10 Gashyantare 1995) ni Imukinnyi w’Umupira w’Amaguru wabigize Umwuga wo muri Gineya ukina mu kibuga hagati muri Liverpool ndetse nikipe yigihugu ya Gineya.

8. Wilfried Zaha ”130 000 Amapound ku cyumweru”

Dazet Wilfried Armel Zaha (yavutse ku ya 10 Ugushyingo 1992) ni Umukinnyi w’Umupira w’Amaguru wabigize Umwuga ukina imbere mu Ikipe ya Crystal Palace ndetse n’Ikipe y’Igihugu ya Cote d’Ivoire. yaciye kandi muri Manchester United na Cardiff City.

7.Nicolas Pépé ”140 000 Amapound ku cyumweru”

Nicolas Pépé (wavutse 29 Gicurasi 1995) ni Umukinnyi wabigize Umwuga ukina asatira muri Arsenal no mu Ikipe y’Igihugu ya Cote d’Ivoire. yakiniye Angers na Lille.

6.Achraf Hakimi ”176 000 Amapound ku cyumweru”

Achraf Hakimi Mouh (yavutse ku ya 4 Ugushyingo 1998) ni umukinnyi wabigize umwuga ukinira nka myugariro w’Iburyo mu Ikipe ya Paris Saint-Germain n’Ikipe y’Igihugu ya Maroc. yakiniye Amakipe nka Real Madrid, Borussia Dortmund na Inter Milan.

5.André Ayew ”180 000 Amapound ku cyumweru”

André Morgan Rami Ayew ( yavutse ku ya 17 Ukuboza 1989), uzwi kandi ku Izina rya Dede Ayew muri Gana, ni Kapiteni w’Ikipe y’Igihugu ya Gana. Ni Umuhungu wa Abedi Pele, Ayew akaba afite barumuna be 2, Ibrahim na Jordan, nabo bakaba ari Abakinnyi b’Umupira w’Amaguru babigize Umwuga. Muri 2011 Ayew yagizwe Umukinnyi w’Umwaka wa BBC muri Afurika ndetse n’Umukinnyi w’umwaka muri Gana.

Ayew ni Umukinnyi wa Al Sadd, waciye mu makipe nka Marseille, Swansea City, West Ham United,na Fenerbahçe.

4.Thomas Partey ”200 000 Amapound ku cyumweru”

Thomas Teye Partey (wavutse ku ya 13 Kamena 1993) ni Umukinnyi ukina hagati mu kibuga mu Ikipe ya Arsenal ndetse n’Ikipe y’Igihugu ya Gana. muri Atlético yatwaranye nayo UEFA Europa League na UEFA Super Cup muri 2018. Muri 2020, yinjiye muri Arsenal atanzweho Akayabo ka miliyoni 45 zamapound bimugira Umukinnyi uhenze cyane kurusha abandi muri Gana mubihe byose.

yakiniye kandi amakipe nka Atlético Madrid, Mallorca, Almería na Arsenal arimo kugeza ubu.

3.Riyad Mahrez ”200 000 Amapound ku cyumweru”

Riyad Karim Mahrez ( wavutse 21 Gashyantare 1991) ni Umukinnyi ukina mu Ikipe ya Manchester City, akaba na kapiteni w’Ikipe y’Igihugu ya Alijeriya. Mahrez yavukiye mu Bufaransa, yerekeje bwa mbere muri Alijeriya mu gikombe cy’isi cya 2014 ndetse no mu bikombe bya Afurika by’Ibihugu muri 2015, 2017, 2019 na 2021, batwarana icya 2019. Muri 2016 yahawe Igihembo cy’Umukinnyi wahize abandi muri Afurika na CAF.

ni Umukinnyi wa Manchester City aho yayigezemo avuye muri Leicester City atanzweho akayabo ka millioni 60 z’amapound.

2.Mohamed Salah ”220 000 Amapound ku cyumweru”

Mohamed Salah Hamed Mahrous Ghaly (wavutse 15 kamena 1992) ni Umukinnyi ukina asatira mu Ikipe ya Liverpool kandi akaba kapiteni w’Ikipe y’Igihugu ya Misiri. Afatwa nk’umwe mu bakinnyi beza ku Isi ndetse no muri Afurika bibihe byose.

Salah yatangiye gukina mu 2010 akinira Al Mokawloon, ahava mu 2012 yinjira muri Basel, aho batwaranye Ibikombe 2 bya Super League mu Busuwisi. Muri 2014, Salah yayiye muri Chelsea ku giciro cya miliyoni 11 z’amapound, ariko ahakina igihe gito ahita atizwa muri Roma, nyuma baza kumusinyisha kuri miliyoni 15 z’amayero. 2017, Salah yasinyiye Liverpool atangwaho miliyoni 36.9. Muri shampiyona ye ya mbere, yashyizeho Amateka y’ibitego byinshi muri Premier League yatsinze (32) mu mikino 38.

1.Sadio Mané ”250 000 Amapound ku cyumweru”

Sadio Mané (wavutse ku ya 10 Mata 1992) ni Umukinnyi wa Senegal ukina asatira aheruka gusinyira Ikipe ya Bayern Munich muri Bundesliga avuye muri Liverpool. Afatwa nk’umwe mu bakinnyi beza ku Isi ndetse no muri Afurika bakomeye mu bihe byose.

Mané yatangiye akinira Metz afite imyaka 19 muri Ligue 2 yahavuye yinjira mu Ikipe ya Red Bull Salzburg yo muri Otirishiya mu 2012 atanzweho miliyoni 4 zamaeuro, atwara Shampiyona ndetse n’Igikombe cy’imbere mu gihugu 2013–14. Nyuma, Mané yabengutswe n’ikipe ya Southampton ku giciro cya miliyoni 11.8 z’amapound. Agezeyo, yashyizeho Amateka mashya muri Premier League kuri hat-trick yihuta [ibitego 3 mu mukino], yatsinze mu masegonda 176 atsinda Ikipe ya Aston Villa muri 2015.