Neymar 5, Messi uwa 3, De Bruyne uwa 6, ”Abakinnyi 7 beza i Burayi muri uyu mwaka (2021-22)”

Neymar 5, Messi uwa 3, De Bruyne uwa 6, ”Abakinnyi 7 beza i Burayi muri uyu mwaka (2021-22)”

June 2, 2022 Off By Moise KWITONDA

Umwaka w’Imikino 2021-22 warangiye mu mpera ya Gicurasi. Ibinyamakuru bitandukanye ndetse n’Iimbugaga zihurirwaho n’Abakunzi ba Ruhago, bahurije ku bakinnyi bagerageje gushimisha Abakunzi babo muri uyu mwaka.

 

Mu marushanwa nka Premier League, Serie A, League1, Bundesliga, La Liga n’izindi. Ni Amashampiyona akurikiranwa na benshi mu bakunzi b’Umupira w’Amaguru, aho hagaragara Abakinnyi bibihangange ku Isi cyane ko haba hashowemo n’Amafranga menshi bigatuma Umukinnyi wese ukomeye aba abarizwa muri izo Shampiona ndetse n’Abatoza bakomeye usanga bifuza gutoreza muri ibyo bihugu biyoboye mu mupira w’Amaguru.

Nkuko tubicyesha AfriqueSports.Net, mu matora yakozwe n’Abakunzi b’Umupira, rwashyize hanze abakinnyi 7 bagaragaje Ubuhanga budasanzwe kurenza abandi ku mugabane w’Uburayi;

#7 Christopher Nkunku (RB Leipzig) – 7.64

Christopher Nkunku yagize Ibihe byiza hamwe na RB Leipzig uyu mwaka. Umufaransa waciye impaka muri  Bundesliga, ni rutahizamu w’Imyaka 24 yafashije Ikipe ye gusoreza ku mwanya wa 4 muri Shampiyona.

Yatsinze Ibitego 20, n’Imipira 13 yavuyemo Ibitego mu mikino 34 yagaragayemo uyu mwaka.

#6 Kevin De Bruyne (Manchester City) – 7.64

Ikipe ya Manchester City yongeye gutwara Igikombe cya Premier League yari ihanganiyeho Liverpool. muri rusange Abakinnyi bitwaye neza ariko De Brune yabaye agatangaza muri uyu mwaka.

Umukinnyi mpuzamahanga w’Ububiligi, yatsinze Ibitego 15 atanga Imipira 8 yavuyemo Ibitego mu mikino 30 ya Premier League.

#5 Neymar Jr. (Paris Saint-Germain) – 7.65

Neymar Jr. yabuze hafi Amezi 3 kubera Imvune yagize mu ntangiro ya League 1, ariko ntibyamubujije kwitwara neza ubwo yari agarutse mu kibuga aho yafashije PSG gutwara Shampiyona.

Mu mikino 22 ya Ligue 1, Neymar yatsinze Ibitego 13 anatanga Imipira 6 yavuyemo Ibitego.

#4 Karim Benzema (Real Madrid) – 7.69

Karim Benzema ari ku mwanya wa kane kuri ruru rutonde kuko yitwaye neza muri Shampiyona ndetse na Champions League, aho yafashije Real Madrid gutwara ibyo bikombe byombi.

Benzema yatsinze Ibitego 27 atanga Imipira 12 mu mikino 32 yakinnye muri Shampiyona.

#3 Lionel Messi – 7.77

Lionel Messi nibyo koko Intangiro ze ntizabaye nziza muri PSG, ariko mu mpera z’Umwaka yagiye yitwara neza anafasha Ikipe ye gutwara Shampiyona.

Messi yatsinze Ibitego 6 kandi atanga Imipira 14 mu mikino 26 muri Shampiyona  ya Ligue 1.

#n°2 Robert Lewandowski (Bayern Munich) – 7.89

Robert Lewandowski akomeje kuba rutahizamu wa mbere muri Shampiyona 5 za mbere z’Uburayi. Uyu mukinnyi mpuzamahanga wo muri Polonye watwaranye na Bavarians Shampiyona ndetse anayifasha kugera 1/4 cya Champions League.

Mu mikino 34  yatsinze Ibitego 35 anatanga Imipira 3 yabyaye Ibitego.

#1 Kylian Mbappe – 8.04

Kylian Mbappé, uherutse kongera Amasezerano na PSG kugeza mu 2025, yagize Umwaka udasanzwe kuko yanatwaye Igihembo cy’Umukinnyi wahize abandi muri Ligue 1.

Uyu mukinyi w’Imyaka 23, Mu mikino 35 yakinnye, yatsinze Ibitego 28 anatanga Imipira 17, byatumye aba rutahizamu mwiza wa Ligue 1.